قصة و غصة ....بقلم الشاعر كامل شهوان
في كل بيت في فلسطين في قصة ...
و كل قصة هي في القلب غصة ...
الفقر عم بيزيد في بلادنا ...
و الناس مش لاقية الخبز لأولادها ...
و في ناس عايشة على قد حالها ...
و بتقسم اللقمة ، و بتزكي عن أموالها ...
و ناس عايشة في النعيم ...
و عندها اموال بالملايين ...
و ما بتتصدق على الناس بمليم !!!
يا ناس يا عالم يا بشر الكفن ما لو جيوب ...
و مساعدة الجار الفقير من كل انسان مطلوب ...
حتى ما نشوف دموع في عيون طفل جائع ...
حتى نفتخر دائما في شعب فلسطين الرائع ...
و ما نخلي في بلدنا انسان جائع .
أناشد كل مواطن ميسور الحال في فلسطين ، مساعدة عائلة فقيرة من عائلات هذا البلد الأمين . و كل عام و شعب فلسطين الحبيب بألف خير .