قصيدة الخيااانه

بسم الله
قصيــدة الخيانهـ للشاعر مشعل المنااور
خطيييييييييرهـ اتمنى تعجبكم مثلي





خيانه وانتهت اخر سوالف عشقي المجنون
سوالف عشق ياما الناس قالتها وعادتها

حكواعني وحكوا عنها وعن حبً ملا هالكون
وصاروا يحلفون بحبنا وصدقي وطيبتها


وكم واحد تمنى لو خذا من لون حبي لون
وكم وحده تمنت لو تشابهنا حكايتها


اناوياها كنا حلم بالمعنى وبالمضمون
لكل اثنين قصة حبهم تعلن بدايتها


وفيليلهـ صرخ فيها الوفا من ظهره المطعون
بدايتها جروحي والوفا مات بنهايتها

في ذيك الليله كان اهون على احيا بدون عيون
ولا اشوف اللي شفته من حبيبة قلبي ساعتها

بعيني شفتها وياه تضحك له وهو مفتون
سعادتها في قربهـ تشبه فقر بسعادتها

وهوطاير من الفرحه ولا يدري بأنها تخون
ويمكن يدري وساكت ولا تهمه حقيقتها


بعيني شفتها ماهو حكي واشي او خيال ظنون
بعيني ليت عيني عمرها مايوم حبتها

وقفت ولسان حالي يقول ليه ؟ ومن متى ؟ وشلون؟
عساي القى سبب واحد يبرر لي خيانتها


وادورللجريمه ثغره بكل مذهب وقانون
اناماكان عندي شك ولو واحد من المليون
في صدق اللي تقوله عن غلاي وعن محبتها
ولكني عجزت القى عذر يغفر جريمتها


قبلها الليله كنت اسمع كثيرمن البشر يشكون
من سيوف الغدر واضحك وانااتباهى فبراءتها



خيانتها عطت حجة لكل اللي يبي يخونون
ومن هاليله كل خاين بيتعذر بقصتها

مادام اوفى البشر خانت حرام الباقي ينلامون
وكلمات الوفى لاعاد احد يطري ليسيرتها

خيانه وانتهت اخر قصايد عشقي المجنون
وضاع الحلم في ليله الوفا مات بنهايتها